Wagi d Awal ɣef usenfaṛ-nneɣ

Nebɣa ad yili d asenfaṛ yeldin i medden meṛṛa :

  • Zemren akk medden ad rnun ikuṛpusen-nsen (iḍṛisen, tifyar, inzan..) ar ɣuṛ-s. (corpus kabyle)
  • Zemren akk medden ad t-sxedmen deg inadiyen-nsen (anadi n wawalen, anadi n tefyar, asuɣel ar/seg tutlayin tibeṛṛaniyin…)

Nuḥwaǧ-iken meṛṛa a wid yettarun taqbaylit

Nebɣa ad d-nger tiɣṛi i wid akk yettarun taqbaylit ad aɣ-d-ceyyɛen iḍṛisen-nsen s wayes ara ɛawnen talalit d usenfaṛ « CorpusKab » ara d-igemren iḍṛisen n teqbaylit. Iḍṛisen-a ad ilin d allalen s ara nessekcem taqbaylit deg umaḍal umḍin akked Internet

CorpusKab d asenfaṛ ara d-ijemεen ikurpusen n tutlayt taqbaylit

Asenfaṛ n CorpusKab ad yili d win yeldin i medden meṛṛa. Zemren akk medden ad t-sqedcen ama i yinadiyen-nsen ama i wallaen imaynuten n Internet.

Iwacu-ten ikurpusen

Deg tallit deg i nettidir, nxeddem aṭas n tɣawsiwin s uselkim : tira, anadi, aqeṣṣeṛ d yemdukla..atg. Ikuṛpusen i nebɣa ad nexdem ad ilin i unadi deg uḥric n tutlayt taqbaylit: anadi n wawalen, anadi n tefyar, asbeddi n isegzawalen, asuɣel ar/seg tutlayin tibeṛṛaniyin…

Iḍrisen

Nessuter deg yal yiwet/yiwet i yettarun s tutlayt taqbaylit ad aɣ-d-yazen iḍrisen-ines ara nesseqdec i wallalen imaynuten n Internet i wakken ad ilin d ttawilt n unadi i medden meṛṛa

Facebook YouTube VK