CLDR, d acu-t?
CLDR (wali asenfaṛ CLDR deg usmel unṣib n UNICODE ), axefwal n Common Local Data Repository, d asenfaṛ n ukunsurṣyum UNICODE i d-yettmuddun lsas n usali n iseɣzanen akken ad izmiren ad sferken akk tutlayin n umaḍal. Isefka-agi ad ten-sqedcen deqs n imaẓragen deg usideg n ifecka-nsen. CLDR yegber deqs n yeḥricen:
- Tineɣrufin icudden ar tutlayt i umasal akked tesleṭ: Azemz, akud, iẓdiyen usrigen, imḍanen akked izamulen n tedrimin
- Tasuqilt n yismawen: Tutlayin, inagrawen n tira, timura, timnaḍin, tidrimin, talliyin, ayyuren, ussan, talliyin n wussan, izḍiyen usrigen, timdinin akked tayunin n wakud.
- Tutlayt akked telɣut n unagraw n tira: isekkilen yettwaseqdacen; talɣa n usget; tuzzuft; aseqdec n usekkil ameqqran; ilugan n usmizzwer & anadi; tanila n tira; ilugan n useskel; ilugan n ususru n imḍanen; ilugan n tubḍin n uḍris ar wawra, awalen neɣ tifyar.
- Talɣut ɣef tmurt: aseqdec n tutlayt, talɣut n tedrimt, awitay akked umsadi n umalas, akked tingalin n tiliɣri
- Ayen-nniden : Asefrek n tengalin ISO & BCP 47, Tineɣrufin n inasiwen
Tasidegt n tulayt n teqbaylit tekker yakan deg UNICODE. Ugar n isallen, ddu ar usebter-nneɣ adigan CLDR Aqbaylit anida ara tafem akk iḥricen-agi, neɣ srid ar usmel Web n CLDR dagi
Amawal:
Asefrek:gestion Talɣa:forme Amasal: format Ilugan: règles Asusru: prononciation Tanila: direction Asenfaṛ: projet Axefwal: Acronyme Tangalt: Code Tiliɣri: Téléphone Talɣut: Information Taneɣruft: Modèle Anasiw: clavier Akunṣursium: consortium Asmizzwer: Tri Izdi usrig: Fuseau horaire Asideg : Localisation Aseskel: translittération Akud: temps Azemz: Date Tubḍin: Segmentation Tifyar: Phrases Awra: graphème Amsaḍi: Convention Amalas: Semaine Tasleṭ: Analyse Imiḍanen: nombres
